Պահածոները կարող են վտանգավոր լինել

Հասարակական առողջապահության Հարվարդի դպրոցի գիտնականները նախազգուշացնում են. քիմիական նյութերը, որոնք օգտագործվում են պահածոների  տարաների պատրաստման դեպքում, կարող են ընկնել սննդի մեջ, իսկ այնտեղից` մարդու օրգանիզմ:

Թեստերը, որոնք անցկացվել են 75 կամավորների հետ, ցույց են տվել, որ A բիսֆենոլ բաղադրատարրը (տեխնիկական դիֆենիլոլպրոպան) մեծ քանակությամբ հայտնաբերվել է նրանց մեզի մեջ, պահածոյացված տարաներում ապուրների օգտագործումից հետո, հաղորդում է Ամերիկյան բժշկական ասոցիացիայի ամսագիրը:

A բիսֆենոլը նախկինի պես օգտագործում են պահածոների համար նախատեսված տարաների արտադրության մեջ, քանի որ այն պահպանում է կոռոզիայից և օգնում երկար ժամանակ թարմ պահպանելուն:

Հետազոտության հեղինակ Ջեննի Քերվայլը մեկնաբանում է.«Մենք գիտեինք այն մասին, որ հեղուկների օգտագործումը, որոնք պահպանվել են պլաստմասայի որոշ տեսակների տարաների մեջ, կարող է հանգեցնել օրգանիզմում A բիսֆենոլի քանակության ավելացման: Այս հետազոտությունը վկայում է այն մասին, որ պահածոյացված սնունդը կարող է ավելի շատ անհանգստություն պատճառել, հաշվի առնելով դրա լայն տարածվածությունը»:

Եվրահանձնաժողովն անցյալ տարվանից արգելել է մանկական շշերի արտադրության մեջ  այս նյութն օգտագործել:

Հարցեր, պատասխաններ, մեկնաբանություններ